{"id":1372,"date":"2019-04-23T16:56:46","date_gmt":"2019-04-23T20:56:46","guid":{"rendered":"http:\/\/www.arubaports.com\/main\/?p=1372"},"modified":"2024-05-05T03:17:59","modified_gmt":"2024-05-05T07:17:59","slug":"aruba-port-authority-a-inaugura-e-tugboat-colorado","status":"publish","type":"post","link":"https:\/\/www.arubaports.com\/main\/aruba-port-authority-a-inaugura-e-tugboat-colorado\/","title":{"rendered":"Aruba Port Authority a inaugura e tugboat “Colorado”"},"content":{"rendered":"

Un inversion grandi pa por ofrece mas y miho servicio na waf. Esun di mas moderno den henter Caribe.<\/p><\/blockquote>\n

Aruba Ports Authority ta hopi orguyoso di por anuncia oficialmente e yegada di e Tugboat \u201cColorado\u201d. Un barco sofistica cu ya ta den servicio dunando bon resultado caba. Manera tur hende por corda, e ultimo tugboat cu Aruba tabata dispone di dje tabata Andicuri. Na cierto momento su mantencion a bira dificil y no tabata haya e piesanan facil mas. A opta pa reemplasa cu un barco nobo. Na a\u00f1a 2016, mientras tabata evaluando compra di esun nobo, a opta pa lease un tugboat temporalmente.<\/p>\n

Aruba Ports Authority (APA) a haci un sondeo profundo di e caracteristicanan cu e tugboat nobo mester cumpli cun\u2019e y asina a yega na e decision di cumpra un mas moderno y cu lo por tin un bida hopi largo. A yega na un contracto di construccion cu e compa\u00f1ia DAMEN y un acuerdo cu e compania Svitzer, encarga cu supervision durante construccion y transporte di e tugboat nobo, esta e \u201cDamen Azimuth Stern Drive Tug 2811\u201d. APA ta contento cu e apoyo cu a ricibi den e proyecto aki for di AIB-Bank como agent bank cu a percura pa e tugboat wordo financia door di un consortio di 7 diferente instituto financiero.<\/p>\n

APA tin un bon relacion cu Damen cu ta brinda servicio tambe na e tugboatnan di e.o. CITGO, cu ta di mesun marca y nan tin un oficina na nos isla ruman Corsou.<\/p>\n

A construi e tugboat “Colorado” na Vietnam, ta un barco di 28 meter largo y 11 meter hancho. A desaroy’e specialmente pa e tipo di lama di Caribe. E tugboat aki ta e prome den su estilo den henter Caribe, pues Aruba Ports Authority awo ta dispone di un tugboat ultra moderno, di e ultimo generacion. Ta un boto masha stabiel cu por ofrece mas y miho servicio. <\/p>\n

Manera ta conoci, e barconan crucero ta sigui crece y recientemente APA a adapta e structura di waf pa cumpli cu rekisito di companianan crucero cu ta poniendo barconan mas grandi den operacion. \u201cColorado\u201d por atende cu e barconan grandi existente y esunnan cu proximamente lo wordo poni den operacion. Y tambe pa asisiti e barconan di container y carga pa asina nan por maniobra mehor den e waf di barcadera.<\/p>\n

Gerencia di APA ta gradici su hunta di comisario y gobierno como accionista di e empresa estatal y un y tur cu a coopera y contribui cu e proceso di compra di e tugboat nobo aki y cu awe a yega asina leu di por inaugura \u201cColorado\u201d. Danki na Gobierno pa e cooperacion, na e personal nautico completo cu lo traha abordo di e tugboat moderno aki, pa cual nan a sigui algun curso y training avansa y specialisa tanto na Aruba como na Hulanda. Aruba pabien.<\/p>\n\n\t\t