Aruba Ports Authority ta Lansa e Prome Fase di Nan Website Renoba

Published on April 22, 2014

Aruba Ports Authority N.V. a rediseña y reorganisa nan website existente pa ofrece bishitantenan di e website un experiencia excitante atraves di un variedad amplio di contenido, servicionan y cambionan cu ta hacie visualmente mas atractivo.

Según Director Jossy Figaroa: “Aruba Ports Authority ta un autoridad portuario reconoci tanto den región como internacionalmente y como tal nos a dicidi di “revamp” nos website pa refleha nos posición den e mercado. Nos a basa hopi cambio ariba feedback di usuarionan y tendencianan den e industria.

A “upgrade”  e site actual door di  a cuminsa e proceso di separa e servicionan di carga cu lo cay bou di e Puerto di Barcadera for di e di servicionan na crucero cu lo keda na Oranjestad, unabes cu e mudamento di facilidadnan di carga termina den e aña binidero.

Tambe a rediseña e homepage pa promove e cooperación entre puerto y comercio den cercania y pa yuda stimula e economía di negoshinan. A agrega un bista panorámico di Oranjestad, cu ta e bista cu e bishitante  ariba un barco para den Waf di Oranjestad tin, cu puntonan di información, cultural, histórico, c u ta hopi busca pa bishitantenan na nos terminal crucero, manera museo y edificionan histórico ariba e ruta di e trolley pintoresco di Oranjestad.

Ademas di esaki a agrega un pagina dedica na Green Port Initiatives. Riba e pagina aki tur persona interesa den e esfuersonan di Aruba Ports Authority N.V. ariba tereno di iniciativanan “Green”  por haya un bista riba proyectonan andando cu ta froma parti e e Green Port Policy di APA cu a keda aproba na 2013.

E sección di  In and Around Our Port, ta duna información di Oranjestad y facilidadnan cu imagennan bibo di nos Trolley di Oranjestad. Nos clientenan principal, esta e barconan cu ta bishita nos wafnan y nan representantenan local (agencanan di barco) tambe tin e oportunidad di calcula e costonan di un barco den puerto cu nos online calculator.  Tur tarifa portuario manera Towage, Anchorage, tug etc., awor ta na nan alcance ariba nos site caminda cu nan ta ricibi un quotation di prijs parti pa categoría, via mail.

APA ta invita pueblo en general pa bishita tambe nos pagina dedica na duna información en general di e Barcadera Multi-Cargo Project. Tur siman lo upload imagenan y un descripción corto di e dearoyo pa asina tur persona por tin e información completo di e proyecto aki. Naturalmente nos sección di noticia y nos tan pidi Cruise Schedule ta accesible tambe.

APA su departamento di mercadeo a ehecuta e trabounan den cooperación estrecho cu Dwayne Heronimo di Orbitalnets y Christian Romero di Multi Solutions Aruba. Den e di dos fasedi e rediseño cu lo inicia e aña aki lo enfoca ariba mas intercambio den uso di Social Media como parti di nos bida diario  pa reenforsa Aruba Ports Authority N.V. local y internacionalmente y pa tin conexion cu e diferente clientenan.  Ademas lo haci uso di apps ariba e site tambe.