APA su Asina Yama “Operation 59” cu Final Feliz

Published on April 22, 2014

Loke awe ta conoci na APA como “Operation 59”, debi na e punto di locación di e velero rescata e siman aki, 12.59 N, 070.59 W di Aruba, 59 miya leu for di Aruba, a culmina cu un final feliz.

Sr. Efrain Boekhoudt y Sr. Patrick Geerman di Kuststation di Aruba Ports Authority, cu a scucha e prome jamada di e Capitan di e velero, Sr. Mathew Church di Canada, den cooperación cu varios otro instancia, y después di 36 ora, a logra trece e dos naufragonan, Matthew CHurch di Canada y Ronald Stocken di Inglatera, aden sano y salvo. Ta di remarca cu esaki ta prome biaha den historia cu a scucha un jamada for di un barco asina leu for di nos costanan, según Boekhoudt. “Ni barconan crucero cu tin aparatonan hopi sofistica tin un reach asina leu.”

Durante di e bishita di Church awe tardi na APA, den compañía di Sra.  cu a ofrece pa tuma ambos persona den cas pa yudanan recupera nan forsa prome cu regresa nan país,  a obsequianan un macuto cortesía di Aruba Aloe, cu ta contene e conocido premium, medical grade burn crèm, Alhydran; SPF 50+ sunscreen Broad Spectrum; After Sun Skin Repair Lotion; After Sun option- Burn Aid Gel; Pure Aloe Vera Gel; Special Care lotion y e Refreshing Shower Gel . Alavez  nos Director Nautico, Sr. Irvin Giel na nomber di gerencia y personal di APA a deseanan tur cos bon y un pronto recuperación.

Scroll To Top