Teniendo na cuenta cu Caribe ta mantene su posicion como e "destinacion" faborito y ta uno cu ta perennial, esta ta den servicio 12 luna pa aña, APA N.V. ta premira cu e region lo ta stabiel pa e resto di 2012.

Pa loke ta trata importacion di contenedor ta remarcabel cu e cifranan ricibi di ASTEC over di Januari 2012 ta na e mesun nivel cu esunnan di Januari 2011. Esaki mientras cu nos ta corda cu e cifra ey tabata representa un crecemento grandi compara cu 2010. E volumen di "break bulk", of mercancia cu ta drenta den empakenan cu no ta den contenedor, manera caha, saco, bari, drum of riba palet, a aumenta den cantidad durante di Januari 2012. Pa loke ta trata "dry bulk", cu ta consisti principalmente di santo (santo pa pleister) y piedra (Limestone) e cantidad di importacion a aumenta y a importa un total di 42868.45 MT.

Importacion di contenedor pa luna di Januari:

Download your free copy here: English | Papiamento

Durante di e reunion anual a trata entre otro e situacion di e industra particularmente despues di e susedido cu e barco Costa Concordia den area di Mediteraneo, diferente aspectonan nobo na destinacionnan den Caribe, productonan y oportunidadnan nobo y aspectonan di conferencianan pa 2012 y 2013. Basa ariba informacionnan di e desaroyonan nobo den centro di Oranjestad, Sr. Alfonso Boekhoudt a informa miembronan y ehecutivonan halto Crucero di desaroyonan positivo di e area rond di nos haf di Oranjestad.

A base di e presentacion aki tanto Florida Caribbean Cruise Association (FCCA) y ehecutivonan Crucero a pidi un reunion ariba termino corto pa bishita Aruba y gradici Gobierno personalmente pa e inversionnan miyonario di e pais cu lo beneficia e miles di pasahero Crucero anualmente. APA ta sitisfecho cu e resultadonan y segun e feedback ricibi di ehecutivonan, nan ta optimista pa e entradanan cu e puerto lo conta riba dje y e reservacionan cu tin pa e añanan cu ta bin. A reuni personalmente cu Sr. Michael Ronan di Royal Caribbean International y Steve Nielsen di Princess Cruises cu ta nos partner di mas grandi pa varios aña caba. Nan tambe tawata sumamente positivo y a reenforsa nan apoyo na Aruba.

Importante ta pa nota e tendencia di crecemento den Caribe como consecuencia di otro mercadonan manera America del Sur, Europa y Australia cu actualmente no ta duna e resultado spera. APA ta realiza ki oportunidad esaki ta brinda pa nos isla y lo keda den contacto cu e liñanan Crucero pa capitaliza riba esakinan na benificio di nos Puerto y nos pais.

Oranjestad, 3 di Januari, 2011 --Un total di 103,268 ( cien y tres mil dos cien y sesenta y ocho) bishitante crucero a yega Aruba durante luna di December 2011 compara cu 82,775 (ochenta y dos mil shete cien y setenta y cinco) bishitante durante di e mesun periodo na 2010. Esaki ta 20,493 (binti mil cuatro cien y nobenta y tres mil) pasahero mas cu ta refleha un aumento di 24.8% pasahero pa luna di December 2011.

E total di pasahero crucero cu a bishita nos for di Januari te cu December 2011 ta yega 599,973 (cinco cien y nobenta y nuebe mil nuebe cien y setenta y tres) pasahero. Esaki ta un crecemento total pa 2011 di 5.4% den yegada di pasahero na nos haf. E cantidad averahe di pasahero pa barco e aña aki ta 1,797 (na un nivel di ocupacion di 98%).

E cantidad di tripulante cu a yega na December 2011 ta di 39,850 (trinta y nuebe mil ocho cien y cincuenta). Esaki ta un crecemento di 16% compara cu December aña pasa. A ricibi un cantidad di 49 calls durante luna di December 2011, dos mas cu December 2010 y un total di 333 calls for di Januari- December 2011, compara cu 314 for di Januari-December 2010.

Segun Alfonso Boekhoudt, Director di Aruba Ports Authority N.V.: December definitivamente a surpasa e proyeccionnan inicial, esaki ta debi primordialmente na e hecho cu e ocupacion di e barconan tawata hopi halto, un indicacion hopi positivo pa Aruba y e industria di crucero en general. APA ta premira cu 2012 lo sigui den e mesun rumbo y ta proyecta mas di 600,000 (seis cien mil) pasahero pa e periodo di Januari-December 2012.

Nos lo ta cautelosamente optimista teniendo cuenta cu tin un situacion debil economicamente ainda den mercadonan mundial. Tin indicacion tambe cu varios liña crucero lo ta "regresando cas" es decir, nan lo no "re-deploy" nan barconan pa areanan mas costoso y leu manera tabata e plannan na 2011, cu por ta algo positivo pa e areanan stabiel manera Caribe.

Otro indicacion positivo pa e industria na 2012 ta e introduccion di barconan nobo manera e barco di 3,600-pasahero, Carnival Breeze, Disney Cruise Line su barco di 4,000-pasahero-Disney Fantasy; Oceania Cruises su barco di 1,250-pasahero-Riviera; Costa Cruises su barco di 3,800-pasahero-Fascinosa; Celebrity Cruises su barco di 3,000-pasahero-Celebrity Reflection; y MSC Cruises su barco di 4,363-pasahero- Divina.

Trafico di carga tambe a desaroya na un manera sumamente alentador durante di 2011. Aruba a sigui conoce subida durante di December 2011. E Puerto a handle 15.520 contenedor di diferente tamaño pa un total di 26,990 TEU's (20-foot equivalent units) durante henter e aña, esaki ta un subida di 8.92% porciento mas cu December aña pasa.

E aumento di trafico di container por a wordo nota durante di henter aña 2011 compara cu aña 2010 cu ta sumamente bon, specialmente si tene cuenta cu e recuperacion lento den economia internacional.

Mientras cu ta dificil pa pronostica kico lo sosode na 2012 den e economia global, nos por remarca si cu por lo general crecemento den importacion di contenedor ta e resultado di crecemento economico di economia di e pais. E cifranan aki e ora ta permiti nos cuminsa 2012 cu un base solido pa 2012.

Oranjestad, 5 Januari, 2012 --Aruba Ports Authority durante di su rueda di prensa "Year in Review" a enfatisa cu e puerto di Aruba e cera aña 2011 cu crecemento den tur aspecto di negoshi cu ta wordo hiba ariba su tereno. Esaki ta valido pa e puerto di Barcadera tambe, caminda cu e asina yama "Bulk Cargo" ta drenta.

Masha poco sa tende di e puerto di Barcadera den pueblo, esaki no ta haci'e menos importante. Na e puerto aki Aruba ta ricibi su "Bulk Cargo" of "Commodity Cargo" cu ta e termino cu ta wordo uza pa productonan cu no ta bin den paki y cu ta wordo treci den gran cantidad.

Pa Aruba esaki ta trata principalmente di santo, piedra (Limestone) y cement. E materialnan aki cu ta un tipo di "Dry" cargo esta seco (cu no ta inclui importacion di fuel y gas likido), ta wordo transporta den tankernan y ta wordo descarga via conveyor belt, clamshell of otro tipo di makinaria ariba tera unabes cu e yega su destino.

Durante di aña 2011 Aruba a ricibi 23 bulk-carriers compara cu 19 na 2010. Esakinan a trece un total di 337,000 MT (Metric Tons) di santo, piedra y cement cu a drenta nos isla na 2011, cu si compara esey cu 2010 e ta refleha un crecemento di 44.6%.

Oranjestad, 13 di November, 2011--Un total di 73,091 ( setenta y tres mil y nobenta y un) bishitante crucero a yega Aruba durante luna di November 2011, esaki ta haci e total pa 2011 te cu November, 496,625 (cuatro cien y nobenta y seis mil seis cien y binticinco) pasahero. Un total di 486,676 (cuatro cien y ochenta y seis mil seis cien y setenta y seis) bishitante a yega na nos haf durante di e mesun temporada na 2010, indicando un crecemento di 2% durante di e aña aki. E cantidad averahe di pasahero pa barco e aña aki ta 1,741 (na un nivel di ocupacion di 95%).

E cantidad di tripulante cu a yega na November 2011 ta di 30,202 (trinta mil dos cien y dos). Esaki ta trece e total di tripulante cu a yega na 2011, na 209,902 (dos cien y nuebe mil nuebe cien y dos) cu ta 3.98% mas compara cu e mes un temporada na 2010 caminda cu a ricibi 201,530 (dos cien y un mil cinco cien y trinta) tripulante crucero.

APA ta spera di clausura aña 2011 cu 333 (tres cien y trinta y tres calls, (13 mas cu na 2010) y entre 3 pa 4 porciento mas pasahero cu aña pasa. Mientras nos ta clausurando un aña fructifero pa Aruba Ports Authority den e area di yegada di barco crucero, nos mester remarca cu e reservacion di “berth” te cu dia 6 di December ultimo ta confirma cu nos puerto tin 318 calls registra pa otro aña. Si e nivel di ocupacion di 98% mantene su mes na 2012, nos ta premira cu nos lo surpasa e record actual cu a yega na Maart 2009 (record historico).

E K-9 brigade cu ta opera riba waf di St Maarten ta consisti di cachonan cu ta controla pasahero riba posesion di droga, explosionnan y tambe “attack dogs”. Dia 8 di December Sr. Angela a wordo ricibi pa Chief Operations Officer, Sr. Keith Franca y a haya un splicacion amplio riba e sistema di siguridad y operacion di e facilidadnan crucero.

Tambe a topa cu Sr. Max Felipa, Head of Security y haya un tour completo di e operacion di siguridad riba waf crucero y tambe con e acceso di control ta wordo haci. Tambe un splicacion di drill, ehercicio y e control di e estado di e puerto y inspeccion di US Coast Guard ta wordo haci na e isla.

APA port securities den su vision pa duna un extra servicio y brinda un miho control ta explora e posibildad di bin cu un K-9 unit pa por garantisa un miho siguridad pa e barconan y nos bishitantenan.

Download your free copy here: English | Papiamento

Por medio di e comunicado aki Aruba Ports Authority N.V. kier aclaria un situacion cu ta surgiendo rond di e proyecto di mudamento di WAF pa Barcadera. Den prensa por a tuma nota di reaccion di ASTEC riba algun publicacion cu a Sali. ASTEC meramente ta trata di hustifica su postura huridicamente atrobe.

APA lo no bay haci esaki den prensa pero mas bien ta desea di aclaria e situacion cu e berdad di e situacion. APA su prome responsabilidad pa cu maneho di nos wafnan comercial, ta cu pais Aruba. E proyecto di mudamento di waf di carga pa Barcadera y e desaroyo di e waf crucero lo mester bira un joya di proyecto cu pueblo di Aruba por ta orguyoso di dje awe y den futuro.

E proyecto di mudamento di e waf mester diversifica nos economia di tal manera cu e efecto lo genera impacto positivo riba e desaroyo y oportunidadnan nobo pa e waf di carga na Barcadera y alabes mas desaroyo y progreso pa e industria crucero cual ta traduci su mes den aumento di barconan cu ta bishita nos na e waf di Oranjestad, cu consecuentemente, ta aumenta e impacto economico directo y indirecto pa nos pais.

Pesey den e proceso di destaho publico APA tin cu tene na cuenta principalmente cu e interes di Aruba y di e empresa estatal di Aruba, pero sin kita afo e interes comercial y posibilidad tambe di cualkier operador of interesado cu kier participa den e proyecto. Un no por limita e otro y ta aki APA tin cu scoge pa interes di pais Aruba ora cu e balans di interes aheno no ta cumbini nos empresa estatal y como tal tampoco nos pais.

E wafnan di Aruba mester bira wafnan di futuro sin cu structuranan of contractnan di pasado ta limita su posibilidadnan di desaroyo y crecemento. Sin e posibilidad aki e esfuerso no ta bale la pena mes, ni tampoco e inversion. Pesey APA y su board y gobierno ta prudente den maneho di e proyecto aki pa garantisa pueblo di Aruba un bon proyecto cu oportunidad pa crecemento y diversificacion di nos economia creando asina tambe empleo stabiel pa nos trahadonan.

Click Here To Listen