Oranjestad, 12 di December, 2011—Sr. Ronnie Angela, Chief of Security di Aruba Ports authority recientemente a bishita Ports Securities di Sint Maarten (SXM). Dia 8 y 9 di December Sr. Angela tawata na St. Maarten Harbour Group of Companies cu meta pa wak con e operacion di e K-9 unit den e facilidadnan di crucero ta.
E K-9 brigade cu ta opera riba waf di St Maarten ta consisti di cachonan cu ta controla pasahero riba posesion di droga, explosionnan y tambe “attack dogs”. Dia 8 di December Sr. Angela a wordo ricibi pa Chief Operations Officer, Sr. Keith Franca y a haya un splicacion amplio riba e sistema di siguridad y operacion di e facilidadnan crucero.
Tambe a topa cu Sr. Max Felipa, Head of Security y haya un tour completo di e operacion di siguridad riba waf crucero y tambe con e acceso di control ta wordo haci. Tambe un splicacion di drill, ehercicio y e control di e estado di e puerto y inspeccion di US Coast Guard ta wordo haci na e isla.
APA port securities den su vision pa duna un extra servicio y brinda un miho control ta explora e posibildad di bin cu un K-9 unit pa por garantisa un miho siguridad pa e barconan y nos bishitantenan.
